"Street" an "College": De Kleederstil vu jonken Amerikaner ass elo mat "America Today" och zu Lëtzebuerg ukomm! Déi Trendmark, déi zënter 1989 an e puer europäesche Länner präsent ass, huet viru kuerzem hiert éischt Geschäft zu Lëtzebuerg opgemaach. Op zwee Stäck kritt Dir Dammen- an Häremoud gebueden, fir Häre bis d'Gréisst XXL. D'Marke bei "America Today": America Today, Converse, Jake Fischer, Russel Athletic an 100% true. Kommt dach mol laanscht kucken a léiert déi sympatesch Equipe kennen, déi Iech gäre beréit!

Maacht Iech op eng aromatesch Entdeckungsrees a gitt Interessantes iwwer Kraider a Planze mat aussergéwéinlechen Arome gewuer! De Lëtzebuerger Jonggäernterverband ass beim nächste Glacismaart den 20. Mee op Besuch! Wat do ënner anerem ugebuede gëtt: Degustatioun vu Kraiderproduite wéi Brout mat Bärlauchbotter oder Brout mat Brennnesselspâté! Fir Info: De Glacismaart ass dee gréisste Maart vu Lëtzebuerg mat ronn 100 Maartstänn, déi Iech eng ganz Rei vun ënnerschiddleche Produiten ubidden: Floumaartartikel, Planzen, Blummen, frësch Produiten aus der Regioun, Textilien, Liederwueren an Deko-Artikel. De Glacismaart ass all drëtte Sonndeg am Mount vun 10.00 bis 17.00 Auer um Glacis an der Stad. Déi nächst Rendez-vouse sinn de 17. Juni, de 15. Juli, de 16. September, den 21. Oktober an den 18. November.  

Egal, ob beim Akafen, beim Iessen oder bei engem Glas Wäin an enger Bar, de Kader muss stëmmen. Et hänkt ganz vill vum Innendesign vun de Geschäfter, Restauranten oder Baren of, ob een sech do wuel fillt oder net. Wien am Grand-Duché ënnerwee ass, stellt séier fest: Wat den innovativen Design an de Geschäfter ubelaangt, sinn d'Lëtzebuerger ganz mat vir bäi! Qualitéit a Service ginn hei ganz grouss geschriwwen: Dat spigelt sech an der zäitgenëssescher Gestaltung vun de Verkafsflächen. Sou gëtt Akafe fir Iech als Client zum Design-Erliefnes! Dass Kreativitéit an Innovatioun zu Lëtzebuerg op engem héijen internationalen Niveau leien, weist de Concours "Commerce Design Luxembourg", dee vum Geschäftsverband vun der Stad Lëtzebuerg (UCVL) organiséiert ginn ass. Vill vun de Gewënner vun dësem Concours si scho méi laang op eisem Blog präsent. Maacht Iech dach einfach mol op eng virtuell Entdeckungsrees a kuckt Iech eis Tuyauen un- iwwregens net nëmme fir d'Stad Lëtzebuerg!