Eng gutt Iddi fannen

Italienesch Glace vum Feinste mat deene beschten Zutaten, presentéiert an ze kafen an enger Gelateria mat florentineschem Flair. Dat ass "Bargello"- si huet den Usproch op d'Renaissance vun der echter italienescher Glacekultur. D'Proprietärin Laura Fontani an hir Equipe hunn déi florentinesch Traditioun op Lëtzebuerg importéiert a si reese regelméisseg an Italien, fir hiert Wëssen opzefrëschen. Geheit emol selwer e Bléck an den "Glacelabo", wou Faarfstoffer a kënschtlesch Aromen iwwregens keen Zougank hunn. Fir den Design vum Glacebuttek gouf sech um Bargello Palace Museum zu Florenz inspriréiert: hëlze Wänn an zäitgenësseschen Design bidden dee passende Kader, fir och aner Spezialitéiten ze genéissen wéi Jughurt- a Sorbetsspezialitéiten oder Kichelcher. Wann d'Wieder schéin ass, kann een sech gemittlech op der Terrass installéieren.

Sief et gemittlech fir den Tea Time am Nomëtteg, als relaxe Start an de Feierowend beim After-Work oder voller Partylaun fir den After -Dinner: Le Zanzen an der Stad ass méi wéi einfach nëmmen e Bar-Restaurant. De Bar bitt eng grouss Auswiel un oppene Wäiner a Schampes-Zorten, déi Dir z.B. beschtens mat der "Zanzen-Assiette" oder e puer Tapas kombinéiere kënnt. Amateure vu Whiskey kommen och op hir Käschten. An der Kiche vum Zanzen ginn ausschliisslech frësch a qualitativ héichwäerteg Produite verschafft. Am Restaurant kritt Dir zousätzlech zu de Platen op der normaler Kaart e Menu du jour a Spezialitéiten, déi all Woch wiesselen, zerwéiert. Am Summer kënnt Dir Iech et op der Terrass gemittlech maachen - mat Vue op d'Gëlle Fra. A last but not least: De Zanzen bitt Iech fir Är Privatfeiere Plaz fir bis zu 250 Leit.

D'Welt vun de Wueren an de Geschäfter ass hautdesdaags méi faszinant wéi jee an et kann een där Faszinatioun nëmme schwéier aus dem Wee goen. Um Beispill vu Lëtzebuerg geet d'Ausstellung "Shop, Shop, Shop" am Geschichtsmusée vun der Stad Lëtzebuerg vum 17. Mee 2013 bis den 30. Mäerz 2014 der Fro no, wéi sech d'Stad ëmmer méi zu enger Akafsplaz respektiv enger "Shoppings"plaz konnt entwéckelen. D'Ausstellung weist op ganz explizit Manéier, wéi den Handel sech iwwer Joerzéngten entwéckelt huet. Sou geet et zum Beispill dorëm, wéi d'Braderien, déi haut nach vill Succès hunn, entstane sinn, wéi de Self-Service, d'Akafszentren an den elektroneschen Handel opkomm sinn. Duerch déi vill Ausstellungsstécker gëtt d'Rees duerch d'Zäit ganz anschaulech. Ze gesi sinn ënner anerem antik Vitrinnen, Téiken, Keesen, Verpackungen, Huttkëschten, Tuten, Plakater mat Reklammen a Mannequine grad wéi historesch Kannerspillbutteker. Si verstréimen de Charme vun der gudder aler Zäit a loosse vill Erënnerungen opkommen. Méi Infoe fannt Dir op der Internetsäit vum Musée.