GoodIdea - LU » Schong

Swimming Pool

goodidea — Fri, 05 Apr 2013 13:18:51 +0000

An d’Welt vun der Moud eranzedauchen kritt bei „Swimming Pool“ eng ganz nei Bedeitung. No e puer Méint schonn huet sech dës exklusiv Boutique am Häerz vun der Stad eng trei Clientèle opgebaut, déi net nëmmen de besonneschen Ambiente schätzt, ma och d’Moud prêt-à-porter an d’Accessoiren.

Mat Marke wéi Alexander McQueen a Stella McCartney schwëmmt d’Carine Smets ganz vir op der moudescher Well mat. Rettungsreef a Schwammmeeschter gëtt et bei „Swimming Pool“ net, dofir awer sympathescht an hëllefsbereet Personal, dat Iech gär hëlleft, wann Dir moudesch an Nout gerot.

E puer Marken: Balmain, Chloé, Stella McCartney, Victoria Beckham, Alexander McQueen, Ann Demeulemeester, Each Other, Current Elliott, Erdem, Miu Miu, Moncler, Pierre Hardy, Valentino, Malolo Blahnik, Azzedine Alaïa, Aurélie Biedermann, Couurèges, Peter Pilotto, …

City Shoes (by Léon)

contributor — Wed, 03 Apr 2013 08:17:59 +0000

Entdeckt eng ganz Rëtsch vun europäesche Schungmarke bei City Shoes (by Léon): Church’s, Crocket&Jones, Paraboot, Santani, Joseph Cheany&Sons …

Dësen neie Schungbuttek fannt Der am Zentrum vun der Stad, an der Neipuertsgaass. D’Equipe vu City Shoes ass méisproocheg.

dAkafszentren zu Lëtzebuerg

goodidea — Mon, 18 Mar 2013 08:20:12 +0000

(Ver)Bréngt Äre Shoppingtour ënnerdaach! An dat am wierkleche Sënn vum Wuert! Déi sëllegen Akafszentre maachen et méiglech. Do shoppt Dir net nëmmen onofhängeg vum Wieder, mee do fannt Dir och alles ënnert engem Daach: Moudeboutiquen, Restauranten, Coifferen, Blummebutteker, Bicher an Zeitungen a villes méi!

All Akafszentrum huet zu Lëtzebuerg e ganz eegene Charakter, bedéngt duerch seng geografesch Lag a seng individuell Geschicht. Och d’Offer variéiert jee no Standuert. Gitt einfach selwer op Entdeckungsrees! Déi heiten Akafszentren invitéieren Iech op e klenge Flanéiertour am Grand-Duché:

Numm	Adress	Telefon	Internetsäit
Cactus	6, avenue de Luxembourg L-4950 Bascharage	+352 26 50 50 1
La Belle Etoile	Route d’Arlon L-8050 Bertrange	+352 31 02 31 1	www.belle-etoile.lu
City Concorde	80, route de Longwy L-8060 Bertrange	+352 44 93 99 1	www.concorde.lu
Belval Plaza	7, avenue du Rock’N'Roll L-4361 Esch-sur-Alzette	+352 26 17 55 01	www.belvalshopping.com
Cora	11, rue du Brill L-3898 Foetz	+352 26 17 01	www.cora.lu
Match/Copal	2, route Nationale L-6776 Grevenmacher	+352 75 05 03
Shopping Center Laangwiss 2	Zone Artisanale et Commerciale L-6131 Junglinster	+352 78 81 94 1
Centre Espace	233-241, rue de Beggen L-1221 Luxembourg-Beggen	+352 43 93 03
Auchan	5, rue Alphonse Weicker L-2721 Luxembourg-Kirchberg	+352 43 77 43 1	www.auchan.lu
GB Carrefour	9, Marburgerstrooss L-9764 Marnach	+352 92 92 76
Top-Center	1-3, um Mierscherbierg L-7526 Mersch	+352 661 799 407
Topaze Shopping Center	Route de Colmar-Berg L-7525 Mersch	+352 32 55 20	www.topaze.lu
Arcades (Match)	141, route de Trèves L-6940 Niederanven	+352 34 85 61
Pall Center	2, Arelerstrooss L-8552 Oberpallen	+352 23 64 41	www.pallcenter.lu
Knauf Shopping Center	19, route de Bastogne L-9638 Pommerloch	+352 26 95 26 1	www.knauf-center.lu
Knauf Shopping Center	3, op der Schmëtt L-9964 Schmiede/Huldange	+352 97 97 33	www.knauf-center.lu
Zolwereck Shopping Center	197, rue de Differdange L-4437 Soleuvre	+352 26 59 48 60
Walfer Shopping Center	2, rue des Romains L-7265 Walferdange	+352 27 03 38 01	www.walfer-shopping-center.lu
Copal	20-24, route de Wasserbillig L-6693 Wasserbillig/Mertert	+352 74 83 13
Centre Commercial Mercado	Rue Sandkaul L-6677 Wasserbillig/Mertert
Maison Keup	64, Gruss Strooss L-9991 Weiswampach	+352 99 75 99 1	www.keup.lu
Shopping Center Massen	24, op der Haart L-9999 Wemperhardt	+352 26 90 1	www.massen.lu

Version Originale

goodidea — Thu, 25 Oct 2012 08:00:44 +0000

Dir sicht eng originell Boutique? Da kommt bei “Version Originale” laanscht! Den Numm vum Geschäft am Zentrum vun der Stad deit et schonn un: trendeg Moud, Retro-Tricoten, Schong an aner Produiten am Retro-Stil gehéieren zur origineller Offer hei fir Mann a Fra.

Och fir déi jéngst Trendshopper ass eppes derbäi. Eng kleng Auswiel u Sneakeren a Futtballstricote gëtt et och fir Kanner. Loosst Kandheetserënnerungen opliewen a maacht en Tour duerch ënner anerem déi folgend Marken: Adidas, Nike Vintage, New Balance, Gola, Life is joke a Seventees.

Adler Mode

goodidea — Thu, 04 Oct 2012 08:00:38 +0000

Déi däitsch Chaîne fir Kleedergeschäfter “Adler” setzt mat hirem Sortiment Akzenter bei de Passformen a Gréissten wéi och bei spezielle Produiten, z.B. Truechten. Besonnesch an der Zäit vun den Oktoberfester ass eng stylesch Truecht en absolute Must! Bei AdlerMoud fannt Dir dat.

E groussen Undeel vun eegene Marken, kombinéiert mat Markeshoppe wéi s. Oliver oder Street One maachen Adler zu engem attraktive Shopping-Zil. A wann et beim Gezei och mol eng Nummer méi grouss muss sinn, da fannt Dir och séier dat richtegt bei AdlerMoud. De Betrib gehéiert och zu Lëtzebuerg zu de Spezialiste fir grouss Gréissten.

Accessoiren, Schong, Kanner-a Bëbeesgezei wéi och Sportsgezei maachen d’Offer komplett. Mat der Clientskaart kritt Dir bei all Akaf direkt 3% ausgedoen.

Hugo Boss

contributor — Thu, 23 Aug 2012 12:46:44 +0000

Hei kleet de Mann sech an: Déi däitsch Top-Mark “Hugo Boss” bitt an hirem Geschäft am Akafszenter Auchan um Kierchbierg Kollektioune fir de Mann vu Welt. E modernen, héichwäertegen Design vun der Boutique a stilvoll Häremoud – dat passt perfekt zesummen!

Bei Hugo Boss fannt Dir nei Kollektiounen, déi sech duerch nei Materialien ervirstiechen. Besonnesch d’Mark “Boss Travel” zeechent sech duerch Stëfter aus, déi net kniwwelen.

D’Equipe vum Geschäft ass fir Iech do: D’Qualitéit vun der Berodung, vum Service a vun de Produite wäerten Iech bestëmmt iwwerzeegen!

Summersolden

goodidea — Fri, 29 Jun 2012 08:00:27 +0000

Elo heescht et oppassen! Den 29.6. fänken am ganze Land d’Summersolden un! Bis de 14.7. kann een an de Solde sou munchen Top-Produit zu Top-Konditioune kréien. An net vergiessen: Deen éischten ass vir! Dofir sollt een sech och onbedéngt den 1. Juli am Kalenner usträichen.

Dee Sonndeg hunn op verschiddene Plazen zu Lëtzebuerg d’Geschäfter op. Matten an de Solden huet een also nach méi Zäit fir no gudden Offeren ze kucken. Geschäfter an deenen heite Stied, Gemenge a Shopping Center maache mat:

Nidderkäerjéng (vun 14.00 bis 19.00 Auer), Bartréng (vun 14.00 bis 19.00 Auer), Iechternach (vun 15.00 bis 18.00 Auer), Esch-Uelzecht (vun 14.00 bis 18.00 Auer), Féiz/Monnerech (vun 14.00 bis 18.00 Auer), Gréiwemaacher (vun 10.00 bis 18.00 Auer), Lëtzebuerg-Stad (vun 14.00 bis 18.00 Auer), miersch (vun 10.00 bis 18.00 Auer), Recken op der Mess (vun 14.00 bis 18.00 Auer), Sandweiler (vun 14.00 bis 18.00 Auer) ;

Belle Etoile Bartréng (vun 10.00 bis 19.00 Auer), Belval Plaza Esch-Uelzecht (vun 10.00 bis 18.00 Auer), City Concorde Bartréng(vun 10.00 bis 19.00 Auer), Cora Féiz (vun 9.00 bis 13.00 Auer), Knauf Center Pommerlach an Schmëdd, Pall Center Uewerpallen, Schopping Center Massen, Topaze Shopping Center Miersch a Walfer Shopping Center (vun 10.00 bis 18.00 Auer).

Shoppingspaass zu gudde Konditiounen ass iwwerall garantéiert!

BCBG Maxazria

goodidea — Wed, 27 Jun 2012 13:06:25 +0000

Hanner dem Markennumm „BCBG Maxazria” verstoppt sech exklusiv Dammemoud. D’Ofkierzung BCBG steet fir “bon chic, bon genre”. Wat dat heescht, ass schwéier z’iwwersetzen, dofir kommt am beschte einfach an déi Lëtzebuerger Filial kucken.

An der Groussgaass an der Stad bitt BCBG der moderner Fra vun haut alles, fir sech vu Kapp bis Fouss anzekleeden: Gezei, Poschen, Bijouen a Schung. Iwwregens ginn och déi grouss a manner grouss Stare bei BCBG an an aus.

Marthe Weydert Boutique

contributor — Sat, 23 Jun 2012 10:00:53 +0000

D’Boutique Marthe Weydert ass eng Lëtzebuerger Institutioun, wat italienesch Moud ubelaangt. Zënter méi wéi 50 Joer ass den italienesche Chic hei doheem.

Et fënnt een hei exklusiv Dammemoud mat engem spezielle Fokus op Cachemire. Dobäi kommen nach verschidde Moudenaccessoiren a Schong grad ewéi Parfume vun der italienescher Mark Santa Maria Novella.

An der Boutique Weydert kaaft Dir an engem modernen Ambiente an, ouni op d’Kompetenz vun engem Traditiounshaus verzichten ze mussen.

Rackstore Foetz

goodidea — Mon, 11 Jun 2012 08:26:39 +0000

De “Rackstore” zu Féitz steet fir dee “moderne Shopping-Tempel” mat engem ganz besonnesche Flair. Dat muss een erlieft hunn!

Op 5.200 m2, verdeelt iwwer 2 Stäck, modern a geraimeg, fannt Dir méi wéi 80 Marken. Dammen, Hären, Kanner – hei fënnt jiddereen eppes: Moud, Schong, Bijouen, Accessoiren an Ënnerwäsch, an dat an all Präiskategorie. An der Lëscht vun de Marke vum Rackstore fannt Dir ënner aneren déi heite Marken: Scotch&Soda, Hugo Boss, Armani a Calvin Klein.

Mat der Clientskaart (Carte de fidélité) kritt Dir fir en Akaf vu 400 Euro un en Akafsbong am Wäert vu 40 Euro. Erlieft selwer “Shopping à la Rackstore” a kommt laanscht zu Féitz! Parkproblemer gëtt et iwwregens keng, dofir suergt ënner anerem en ënnerierdesche Parking.